Notification ng Privacy ng Google Chrome

Archive: Marso 20, 2012

Archive ng Chrome OS: Bersyon 05/30/2011 | Bersyon 05/03/2011

Inilalarawan ng Patakaran sa Privacy ng Google kung paano namin tinatrato ang personal na impormasyon kapag ginagamit mo ang mga produkto at serbisyo ng Google, kabilang ang kapag gumagamit ka ng browser ng Chrome at Chrome OS upang i-access ang mga produkto at serbisyong iyon.

Inilalarawan ng Notification ng Privacy ng Google Chrome na ito ang mga kasanayan sa privacy na partikular sa pamilya ng mga produkto ng Chrome. Kabilang dito ang browser ng Chrome, Chrome Frame, Chrome OS, at Ligtas na Pag-browse. Ang ilan sa mga tampok na inilalarawan sa Notification ng Privacy na ito ay available sa ibang mga web browser (hal. maaari mong piliing patakbuhin ang Chrome Frame sa Microsoft Internet Explorer o gumamit ng mga tampok ng Ligtas na Pag-browse sa Mozilla Firefox), kaya tandaan na dapat mo ring basahin ang patakaran sa privacy para sa browser kung saan tumatakbo ang mga tampok.

Hindi lumilitaw sa lahat ng produkto ng Chrome ang lahat ng tampok na tinatalakay sa Notification ng Privacy na ito. Gayunpaman, upang panatilihing simple ang mga bagay, gagamitin namin ang terminong “Chrome” nang mag-isa upang tukuyin ang bawat isa sa mga produkto sa loob ng pamilya ng Chrome -- kabilang ang browser ng Chrome (tulad ng pagtakbo nito sa lahat ng computing device at operating system), Chrome Frame, at Chrome OS (tulad ng pagtakbo nito sa lahat ng platform ng hardware). Tiyak na iha-highlight namin kung saan gumagana sa ibang paraan ang isang indibidwal na produkto ng Chrome.

Ino-notify ka ng Google tungkol sa anumang mga materyal na pagbabago sa patakarang ito, at palagi kang magkakaroon ng pagpipiliang gamitin ang Chrome sa isang paraan na hindi nagpapadala ng anumang personal na nakakapagpakilalang impormasyon sa Google, o na alisin ang iyong impormasyon at huwag nang magpatuloy sa paggamit nito.

Para sa sunud-sunod na mga gabay upang makatulong na mapamahalaan ang iyong mga kagustuhan sa privacy basahin ang aming gabay sa Mga Browser, Google Chrome, Privacy at Ikaw

Impormasyong natatanggap ng Google kapag gumagamit ka ng Chrome

Hindi mo kailangang magbigay ng anumang personal na nakakapagpakilalang impormasyon upang magamit ang Chrome.

Kapag gumagamit ka ng anumang browser, kabilang ang Chrome, upang makipag-ugnay sa mga server ng Google, bilang default, nakakatanggap ang Google ng karaniwang impormasyon sa pag-log kabilang ang IP address ng iyong system at isa o higit pang cookies. Mako-configure mo ang browser ng Chrome at Chrome OS upang huwag tumanggap ng cookies mula sa Google o iba pang mga site. Matuto nang higit pa tungkol sa pag-configure ng cookies at data ng site sa browser ng Chrome at Chrome OS.

Kung gumamit ka ng Chrome upang mag-access ng ibang mga serbisyo ng Google, gaya ng paggamit ng search engine sa homepage ng Google o pagtingin ng Gmail, ang katotohanan na gumagamit ka ng Chrome ay hindi nagsasanhi sa Google na tumanggap ng anumang espesyal o karagdagang personal na nakakapagpakilalang impormasyon tungkol sa iyo.

Bilang karagdagan, maaaring magpadala ang ilang tampok ng Chrome ng limitadong karagdagang impormasyon sa Google o iyong default na search engine:

Kung gamitin mo ang tampok na Maramihang User ng browser ng Chrome, makakapag-set up ka ng mga personalized na kopya ng browser ng Chrome para sa mga user na gumagamit sa parehong computing device. Hindi ito nilalayon upang i-secure ang iyong data laban sa iba pang mga taong gumagamit sa iyong device - kaya matitingnan ng sinumang user na may access sa iyong device ang lahat ng impormasyon sa lahat ng profile. Upang ganap na maprotektahan ang iyong data upang hindi makita ng iba, gamitin ang mga built-in na user account sa iyong operating system.
Kung pinili mo ang Google bilang iyong search engine, makikipag-ugnay ang Chrome sa Google kapag nagsimula ito o kapag nagpalit ka ng network upang matukoy ang pinakamahusay na lokal na web address na padadalhan ng mga query sa paghahanap. Kapag nag-type ka ng mga URL o query sa address bar ng Chrome (omnibox), maaaring maipadala ang mga titik na tina-type mo sa iyong default na search engine, upang awtomatikong makapagrekomenda ang tampok na paghula ng search engine ng mga termino o URL na maaaring iyong hinahanap. Kung tumanggap ka ng isang hinulaang query o URL, maaari ring ipadala ng Chrome ang impormasyong iyon mula sa browser patungo sa iyong default na search engine. Matuto nang higit pa tungkol sa hindi pagpapagana ng mga paghula ng server sa omnibox.
Kung ginagamit mo ang tampok na Instant ng Chrome at sinusuportahan ito ng default na search engine, instant na lilitaw ang mga resulta ng paghahanap at in-line na paghula habang nagta-type ka sa address bar. Hinihiling ang mga resulta ng paghahanap habang nagta-type ka sa address bar, kaya maaaring ma-log ang tekstong iyong tina-type bilang mga termino sa paghahanap. Para sa ilang kapaki-pakinabang na halimbawa ng mga patakaran sa pag-log ng Google para sa Chrome Instant, tingnan ang aming artikulo sa help center na “Mga Patakaran sa Pag-log para sa Chrome Instant”.
Kung mag-navigate ka sa isang URL na hindi umiiral, maaaring ipadala ng Chrome ang URL sa Google upang matulungan ka naming makita ang URL na iyong hinahanap. Maaari rin naming gamitin ang impormasyong ito sa isang pinagsama-samang paraan upang matulungan ang iba pang mga user ng web - hal. upang ipaalam sa kanilang maaaring sira ang site. Matuto nang higit pa tungkol sa hindi pagpapagana sa mga suhestiyon sa mga error sa navigation.
Awtomatikong tumitingin ang Chrome ng mga update sa pamamagitan ng pakikipag-ugnay sa Google. Kabilang sa bawat kopya ng browser ng Chrome ang isang pansamantalang random na binuong numero ng pag-install na ipapadala sa Google kapag na-install mo at unang ginamit ang produkto. Agarang tatanggalin ang pansamantalang numero sa unang pagkakataon na awtomatikong tumingin ng mga update ang Chrome. Kung matanggap mo ang iyong kopya ng Chrome browser bilang bahagi ng isang pampromosyong kampanya, maaari din itong bumuo ng hindi natatanging pampromosyong tag na ipinapadala sa Google kapag nagsasagawa ng mga paghahanap sa Google at ng natatanging token na ipinapadala sa Google sa unang pagkakataon na paganahin at gamitin mo ang browser pagkatapos ng pag-install, muling pag-install, o muling pag-activate.
Awtomatikong nakikipag-ugnay ang Chrome OS sa mga server ng enterprise ng Google sa panahon ng paunang pag-setup ng device upang makakuha ng hashed na listahan ng mga serial number para sa mga device ng Chrome OS na na-configure ng mga admin ng enterprise upang ma-setup bilang mga device ng enterprise sa panahon ng unang pag-sign-in ng device. Ang kahilingan sa server ng enterprise ng Google ay kinabibilangan ng hash ng serial number ng device.
Awtomatikong nakikipag-ugnay ang Chrome OS sa mga enterprise server ng Google sa tuwing nagsa-sign-in ang isang user gamit ang isang username na hindi nagtatapos sa @gmail.com / @googlemail.com. Ino-notify ng mga enterprise server ng Google ang Chrome OS kung nauugnay ang device o ang user sa isang enterprise account, at kung may naaangkop mang mga patakaran sa enterprise na dapat ilapat. Magpapatuloy ang Chrome OS na pana-panahong tumingin ng mga update sa mga patakarang ito.
Kung mag-sign-in ka sa browser ng Chrome o Chrome OS, papaganahin nito ang tampok na pag-synchronize. I-iimbak ng Google ang ilang partikular na impormasyon, gaya ng mga bookmark, kasaysayan at iba pang mga setting, sa mga server ng Google nang nauugnay sa iyong Google Account. Pinoprotektahan ng Patakaran sa Privacy ng Google ang impormasyong nakaimbak sa iyong Account. Kailangan naming iimbak ang impormasyong ito upang magawa itong available para sa iyo sa iba pang mga sitwasyon ng Chrome kung saan pipiliin mong mag-sign-in. Matuto nang higit pa tungkol sa partikular na impormasyong maaari mong piliing i-synchronize, at higit pa tungkol sa hindi pagpapagana ng tampok na pag-synchronize ng Chrome sa browser ng Chrome.
Kung ginamit mo ang tampok na Translate ng Chrome, ipapadala nito ang tekstong pinili mong i-translate sa Google para sa pag-translate.
Kung gagamitin mo ang tampok na Spellcheck ng Chrome, na nagbibigay-daan sa iyong gamitin ang parehong teknolohiyang ginagamit sa paghahanap sa Google upang suriin ang iyong spelling, ipapadala nito ang tekstong iyong tina-type sa Google para sa mga suhestiyon sa spelling at balarila.
Kung gagamitin mo ang tampok na speech input ng Chrome, magpapadala ito sa Google ng audio recording ng iyong sinabing query, iyong default na wika ng browser at mga setting ng balarila ng web page na ginagamitan mo ng speech input. Gagamitin ng Google ang impormasyong ito upang i-convert ang na-record na audio sa teksto. Kung pinagana mo ang mga statistics sa paggamit at mga ulat ng pag-crash at ginamit mo ang tampok na speech input, maipapadala ang karagdagang impormasyon sa Google. Kabilang sa impormasyong ito ang URL ng website na gumagamit ng speech input, iyong operating system, at ang gumawa at modelo ng computing device at hardware sa audio na iyong ginagamit.
Kung gagamitin mo ang tampok na AutoFill ng Chrome, na awtomatikong nagkukumpleto ng mga web form para sa iyo batay sa mga parehong form na iyong pinunan dati, magpapadala ang Chrome sa Google ng limitadong impormasyon tungkol sa mga pahinang may mga web form, kabilang ang na-hash na URL ng web page at mga detalye ng istraktura ng form, upang mapahusay namin ang aming serbisyo ng AutoFill para sa web form na ito. Bagama't maaaring kabilang sa impormasyong ipinapadala ng Chrome ang katotohanang nag-type ka ng impormasyon sa form, hindi ipapadala sa Google ang aktwal na tekstong ita-type mo sa mga field maliban kung pipiliin mong iimbak ang data na iyon sa iyong Google account gamit ang tampok na pag-synchronize ng Chrome.
Kung ginagamit mo ang tampok sa lokasyon ng Chrome, na nagbibigay-daan sa iyong ibahagi ang iyong lokasyon sa isang web site, magpapadala ang Chrome ng impormasyon ng lokal na network sa Mga Serbisyo sa Lokasyon ng Google upang makakuha ng tinantyang lokasyon. Matuto nang higit pa tungkol sa Mga Serbisyo sa Lokasyon ng Google at pagpapagana / hindi pagpapagana sa mga tampok sa lokasyon sa loob ng Google Chrome. Maaaring kabilang sa impormasyon ng lokal na network (depende sa mga kakayahan ng iyong device) ang impormasyon tungkol sa mga wifi router na pinakamalapit sa iyo, mga cell ID ng mga cell tower na pinakamalapit sa iyo, ang lakas ng iyong wifi o cell signal, at ang IP address na kasalukuyang nakatalaga sa iyong device. Ginagamit namin ang impormasyon upang iproseso ang hiling sa lokasyon at upang patakbuhin, suportahan, at pagbutihin ang pangkalahatang kalidad ng Chrome at Mga Serbisyo sa Lokasyon ng Google. Ang nakolektang impormasyon na inilarawan sa itaas ay gagawing hindi nakikilala at pagsasama-samahin bago gamitin ng Google upang bumuo ng mga bagong tampok o produkto at serbisyo, o upang pahusayin ang pangkalahatang kalidad ng anuman sa iba pang mga produkto at serbisyo ng Google.
Kung magtangka kang kumonekta sa isang website ng Google gamit ang isang secure na koneksyon, at na-block ng browser ang koneksyon dahil sa impormasyong nagsasaad na aktibo kang inaatake ng isang tao sa network (isang "pag-atake ng taong nasa pagitan"), maaaring magpadala ang Chrome ng impormasyon tungkol sa koneksyong iyon sa Google para sa layunin ng pagtulong na tukuyin ang saklaw ng pag-atake at kung paano gumagana ang pag-atake.
Mapipili mong magpadala ng mga statistics sa paggamit at mga ulat ng pag-crash sa Google. Mapapamahalaan mo ang setting na ito sa loob ng pahina ng mga kagustuhan ng Chrome; para sa mga user ng Chrome OS, ang mga istatistika ng paggamit at mga ulat ng pag-crash ay pinagana bilang default. Malalapat ang setting na ito sa lahat ng user para sa isang tukoy na pag-install ng Chrome. Ang mga statistics sa paggamit at ulat ng pag-crash ay tumutulong sa aming mag-diagnose ng mga problema, tumutulong sa aming maunawaan kung paano nakikipag-ugnayan ang mga user sa Chrome, at tumutulong sa aming pahusayin ang pagganap ng Chrome. Sinusubukan ng Chrome na iwasan ang pagpapadala ng impormasyon na personal na tumutukoy sa iyo. Ang mga ulat ng pag-crash ay maaaring naglalaman ng impormasyon mula sa mga file, application at serbisyo na tumatakbo nang maganap ang pagpalya. Maaaring magbahagi kami sa mga third party ng ilang pinagsama, di-personal na impormasyon na nakuha namin mula sa aming pagtatasa, tulad ng kung gaano kadalas nangyayari ang ilang uri ng mga pag-crash.

Impormasyong natatanggap ng Google kapag ginagamit mo ang tampok na Ligtas na Pag-browse sa Chrome o iba pang mga browser

Kasama ng Google Chrome at ilang partikular na mga third party na browser (kabilang ang ilang bersyon ng Firefox ng Mozilla at Safari ng Apple) ang tampok na Ligtas na Pag-browse. Nagpapadala at tumatanggap ang Ligtas na Pag-browse ng impormasyon sa pagitan ng browser na iyong ginagamit at mga server ng Google tungkol sa mga kahina-hinalang website -- halimbawa, kapag bumisita ka sa isang site na pinaghihinalaang isang site ng phishing o malware.

Pana-panahong makikipag-ugnay ang iyong browser sa mga server ng Google upang i-download ang pinakakamakailang listahan ng "Ligtas na Pag-browse," na naglalaman ng mga kilalang site ng phishing at malware. Hindi nangongolekta ang Google ng anumang impormasyon ng account o iba pang personal na nakakapagpakilalang impormasyon bilang bahagi ng contact na ito, ngunit nakakatanggap ito ng karaniwang impormasyon sa pag-log, kabilang ang isang IP address at isa o higit pang cookies. Ang pinakakamakailang kopya ng listahan ay lokal na iniimbak sa iyong system.

Susuriin ang bawat site na iyong binibisita laban sa listahan ng Ligtas na Pag-browse sa iyong system. Kung mayroong tugma laban sa listahan, padadalhan ng iyong browser ang Google ng isang na-hash, hindi buong kopya ng URL ng site upang makapagpadala ang Google ng higit pang impormasyon sa iyong browser. Hindi matutukoy ng Google ang totoong URL mula sa impormasyong ito. Magbasa ng higit pang impormasyon tungkol sa kung paano ito gumagana.

Bilang karagdagan, ang sumusunod na mga tampok ng Ligtas na Pag-browse ay partikular sa Chrome:

Ilang bersyon ng teknolohiya ng Ligtas na Pag-Browse na tampok ng Chrome na makakatukoy ng potensyal na nakakahamak na mga site at mga pag-download ng executable file na hindi pa kilala ng Google. Maaaring ipadala sa Google ang impormasyon tungkol sa isang potensyal na nakakahamak na site o pag-download ng executable file (kabilang ang buong URL ng site o pag-download ng executable file) upang matulungang matukoy kung nakakahamak ang site o pag-download. Hindi nangongolekta ang Google ng anumang impormasyon ng account o iba pang personal na nakakapagpakilalang impormasyon bilang bahagi ng contact na ito, ngunit nakakatanggap ng karaniwang impormasyon sa pag-log, kabilang ang isang IP address, binisitang URL at isa o higit pang cookies.
Mapipili mong magpadala ng karagdagang data upang makatulong na mapahusay ang Ligtas na Pag-browse kapag na-access mo ang isang site na lumilitaw na naglalaman ng malware. Ipinapadala ang data na ito kapag isinara mo o nag-navigate ka palayo mula sa isang pahina ng babala ng Ligtas na Pag-browse. Naglalaman ang mga ulat ng data, gaya ng URL at mga nilalaman ng website gayundin ang URL ng pahinang nagdirekta sa iyo sa site na iyon, na maaaring gamitin ng Google upang i-verify kung nahahatid pa rin ang website ng nilalaman na maaaring manamantala ng mga user.
Kung pinagana ang mga statistics sa paggamit sa Chrome at bumisita ka sa isang site na sa tingin namin ay maaaring potensyal na nakakahamak, ibabahagi ang ilang partikular na data sa Google, kabilang ang buong URL na iyong binisita, ang header ng "nag-refer" na ipinadala sa pahinang iyon, at ang URL na tumugma sa listahan ng Ligtas na Pag-browse.
Anumang oras ay mapipili mong huwag paganahin ang tampok na Ligtas na Pag-browse sa loob ng Chrome.

Impormasyong natatanggap ng mga operator ng website kapag bumibisita ka sa isang site gamit ang Chrome

Awtomatikong makakatanggap ng karaniwang impormasyon ng log na katulad ng natatanggap ng ang mga site na binibisita mo gamit ang Google Chrome. Maaari ring magtakda ang mga site na ito ng sariling cookies ng mga ito o mag-imbak ng data ng site sa iyong system. Maaari mong paghigpitan ang cookies at iba pang mga data ng site sa pahina ng mga kagustuhan ng Chrome.

Kung paganahin mo ang tampok na paghula sa mga pagkilos ng network ng Chrome at bumisita ka sa isang webpage, maaaring hanapin ng Chrome ang mga IP address ng lahat ng link sa webpage at bukas na koneksyon sa network upang mas mabilis na mag-load ng mga webpage. Maaari ring gamitin ng mga site ang teknolohiya ng paunang pag-render upang paunang i-load ang mga link na maaaring susunod mong i-click.

Kung ginagamit mo ang Chrome sa mode na incognito (o sa mode na pambisita sa Chrome OS), hindi ito maglilipat ng anumang paunang umiiral na cookies sa mga site na iyong bibisitahin. Maaaring maglagay ang mga site ng bagong cookies sa iyong system habang ikaw ay nasa mga mode na ito, pansamantala lamang na maiimbak ang cookies na ito at ililipat sa mga site habang nananatili ka sa mode na incognito / ng bisita. Matatanggal ang mga ito kapag isinara mo ang browser, isinara ang lahat ng bukas na window na incognito o lumabas sa mode ng bisita.

Kung pipiliin mong gamitin ang tampok sa lokasyon ng Chrome, bibigyang-daan ka ng serbisyong ito na ibahagi ang iyong lokasyon sa isang site. Hindi papayagan ng Chrome ang isang site na i-access ang iyong lokasyon nang wala ang iyong pahintulot. Walang kontrol ang Google sa mga third party na webiste o sa kanilang mga kasanayan sa privacy. Mangyaring maingat na isaalang-alang ang anumang mga kasanayan sa privacy ng website bago pumayag na ibahagi ang iyong lokasyon sa website na iyon.

Impormasyong iniimbak sa iyong system kapag ginagamit mo ang Chrome

Nag-iimbak nang lokal ang Chrome ng ilang impormasyon sa iyong system. Maaaring kabilang dito ang:

Pangunahing impormasyon ng kasaysayan ng pagba-browse, halimbawa, ang mga URL ng mga pahinang iyong binibisita, isang cache file ng teksto at mga larawan mula sa mga pahinang iyon, at isang listahan ng ilang IP address na na-link mula sa mga pahinang iyong binibisita.
Isang nahahanapang index ng karamihang mga pahinang binibisita mo (maliban sa mga secure na pahina na may "https" na mga web address, gaya ng ilang mga pahina ng bangko)
Mga screenshot na may sukat na thumbnail ng karamihan sa mga pahinang binibisita mo
Cookies o data ng storage sa web na inilagay sa iyong system ng mga website na iyong binibisita
Isang talaan ng mga pag-download na iyong ginawa mula sa mga website

Anumang oras ay mapipili mong tanggalin ang impormasyon ng iyong kasaysayan ng pagba-browse, nang buo o bahagi lang.

Malilimitahan mo rin ang impormasyong iniimbak ng Chrome sa iyong system sa pammagitan ng paggamit ng mode na incognito (o mode ng bisita sa Chrome OS). Sa mga mode na ito, hindi mag-iimbak ang Chrome ng pangunahing impormasyon ng kasaysayan ng pagba-browse gaya ng mga URL, na-cache na teksto ng pahina, o mga IP address ng mga pahinang na-link mula sa mga website na iyong binibisita. Hindi rin ito mag-iimbak ng mga snapshot ng mga pahinang iyong binibisita o magpapanatili ng tala ng iyong mga pag-download (bagama't maaari pa ring ma-imbak ang impormasyong ito sa ibang lugar sa iyong system, hal. sa isang listahan ng mga kamakailang nabuksang file). Hindi mase-save ang bagong cookies na natatanggap sa mga mode na ito pagkatapos mong isara ang iyong browser, isara ang lahat ng bukas na incognito window o lumabas sa mode ng bisita. Makikita mo kapag ikaw ay nasa mode na incognito / bisita dahil lumilitaw ang icon na incognito sa sulok sa tuktok ng iyong browser; sa ilang sitwasyon, maaari ring magbago ang kulay ng border ng iyong browser window.

Kapag nagsagawa ka ng mga pagbabago sa configuration ng iyong browser, tulad ng pagbu-bookmark ng web page o pagbabago ng iyong mga setting, isine-save rin ang impormasyong ito. Hindi naaapektuhan ng mode na incognito / ng bisita ang mga pagbabagong ito.

Maaari mong piliing i-save ng Chrome ang iyong mga password para sa partikular na mga website. Maaaring suriin ang mga nakaimbak na password sa tab na Personal na Bagay ng pahina ng mga kagustuhan ng Chrome.

Impormasyong nauugnay sa paggamit ng mga application, extension at plugin sa Chrome

Maaari kang mag-install ng mga application at extension sa Chrome, halimbawa, sa pamamagitan ng pagbisita sa Chrome Web Store. Maaari ring kasama ang Chrome sa ilang partikular na mga application at extension.

Ang mga application at extension na ito ay makakapag-imbak at makakapag-access ng lokal na naka-imbak na data at maaaring ibahagi ang data na iyon sa developer ng application / extension, o sa iba pang mga third party. Ang paglalarawan sa Chrome Web Store ay may kasamang seksyon na nagpapaliwanag sa mga pagpapahintulot sa pag-access at pagbabahagi na kinakailangan ng application / extension. Dapat mong tiyakin na kumportable ka sa mga pagpapahintulot na hinihiling ng developer. Kung hindi, hindi mo dapat i-install (o i-uninstall kung naka-install na ito) ang application o extension.

Nagse-save ang Chrome ng listahan ng lahat ng iyong application at extension sa iyong system, kasama ang URL para sa mga update at ang kategorya ng mga pahintulot na kinakailangan ng application / extension upang tumakbo. Pana-panahong gagamitin ng Chrome ang impormasyong ito upang tumingin ng mga update, na maaaring awtomatikong ma-download at ma-install. Bilang karagdagan, mag-iimbak ang Chrome ng listahan ng mga application at extension na kilalang nakahahamak o ilegal, para sa paggamit sa kaganapang kinakailangang huwag paganahin o alisin ang isang application o extension mula sa iyong system. Pana-panahong awtomatikong ida-download o i-a-update ng Chrome ang listahang ito.

Kung gumamit ka ng mga application o extension na paunang naka-install sa Chrome, o na-install mula sa Chrome Web Store, padadalhan ng Chrome ang Google ng isa o higit pang mga tagasaad ng paggamit kapag nag-install ng application o extension sa unang pagkakataon, kapag tumitingin ang Chrome ng mga update, at kapag na-uninstall mo ang application o extension. Kasama sa tagasaad ng paggamit kung nagamit mo ang application o extension at isang pagsasaad ng bilang ng mga araw na nakalipas mula noong huling isinagawa ang isang katulad na ulat. Gagamitin namin ang impormasyong ito upang sumubaybay ng data ng paggamit tungkol sa application o extension at upang maranggo ang kasikatan nito. Hindi namin gagamitin ang impormasyong ito upang kilalanin ka o i-ugnay ang impormasyong ito sa iyong personal na impormasyon. Maaari naming isapubliko ang pinagsama-samang data ng paggamit at mga ranggo sa kasikatan, na kasama sa Chrome Web Store.

Maaaring magpadala ng mga notification ang mga application kung hahayaan mo ang mga ito. Ang teksto ng notification ay ipinapadala sa pamamagitan ng isang secure na channel mula sa developer patungo sa Google, at pagkatapos ay mula Google patungo sa iyo. Pinangangasiwaan ng mga server ng Google ang mga notification bilang plain text.

Makakapag-install ka ng mga plug-in sa Chrome, na makakatulong na mapahusay ang pagpapatakbo, pagganap o karanasan sa paggamit ng Chrome. Maaaring kasama rin ang Chrome sa ilang partikular na plug-in, kabilang ang isang bersyon ng plug-in ng Adobe Flash Player. Maaaring mangolekta ng data ang developer ng plug-in, at mapapailalim ang paggamit ng plug-in sa patakaran sa privacy ng developer. Mahahanap mo kung aling mga plug-in ang tumatakbo sa Chrome sa pamamagitan ng pag-type ng “about:plugins” sa address bar. Ipinapaliwanag ng website ng Adobe sa www.adobe.com ang higit pang impormasyon sa mga kasanayan sa privacy ng Adobe tungkol sa Flash Player, at matututo ka nang higit pa tungkol sa hindi pagpapagana ng Flash Player o anumang iba pang mga plug-in.

Mga Gamit

Pinoproseso ang impormasyong natatanggap ng Google kapag ginagamit mo ang Chrome upang mapatakbo at mapahusay ang Chrome at iba pang mga serbisyo ng Google. Napapailalim ang impormasyong natatanggap ng iba pang mga tagapagpatakbo ng website sa mga patakaran sa privacy ng mga website na iyon. Nag-iimbak ang Chrome ng impormasyon sa iyong system upang mapahusay ang pagganap ng Chrome at upang mabigyan ka ng kapaki-pakinabang na mga tampok at serbisyo.

Higit pang impormasyon

Sumusunod ang Google sa mga prinsipyo sa privacy ng US Safe Harbor. Para sa higit pang impormasyon tungkol sa balangkas ng Safe Harbor o sa aming pagpaparehistro, tingnan ang web site ng Department of Commerce.

Ang karagdagang impormasyon tungkol sa Chrome ay available dito.

Para sa higit pang impormasyon tungkol sa aming mga kasanayan sa privacy, pumunta sa buong patakaran sa privacy. Kung mayroon kang karagdagang mga tanong, mangyaringmakipag-ugnay sa amin anumang oras. O kaya ay sumulat sa amin sa:

Mga Bagay Tungkol sa Privacy
c/o Google Inc.
1600 Amphitheatre Parkway
Mountain View CA 94043 (USA)